HTC веќе се докажа на VR пазарот со своите Vive уреди и VivePort, а сега подготвуваат телефон наменет за виртуелна реалност.
HTC веќе се подготвува за свет во кој луѓето треба да поминуваат се повеќе и повеќе време во метаверс. Со некакви очила или шлемови на главите, корисниците треба да живеат, да играат, да се забавуваат и да работат во такви виртуелни простори.
Марк Цукерберг веќе некое време развива хардвер и софтвер за да им го овозможи тоа.
Една од компаниите кои се подготвуваат за ваква „мета иднина“ е HTC, која со години развива свои уреди за виртуелна реалност под брендот Vive. Сега направија уште еден чекор во таа насока и се подготвуваат – „метаверс телефон”. Уредот го најави генералниот менаџер на HTC за азиско-пацифичкиот регион Чарлс Хуанг и рече дека ќе го претстави следниот месец.
Сепак, тој не спомна никакви детали за самиот телефон, па во моментов можеме само да шпекулираме за неговите опции. Според експертите за андроид она што можеме да го очекуваме е телефон со моќен хардвер и апликации за пристап до виртуелна и проширена реалност. Една од предностите на HTC на овој пазар е што со текот на годините развиваат содржина наменета за виртуелна реалност која е достапна на нивниот портал VivePort.
