САД, Обединетото Кралство и Австралија заеднички ќе работат на развивање на ново модерно суперсонично и електронско оружје.
По успешното тестирање на новите технологии, со какви што веќе располагаат Русија и Кина, кон крајот на минатата година, трите земји од англиско говорно подрачје го најавија фокусот на новиот глобален безбедносен пакт А-УК-УС, со кој се очекува безбедносното тежиште да го рашират од трансатлантско на транспацифичко или со еден збор – глобално.
Новата невидлива трка во електронско, телекомуникациско и суперсонично вооружување, се разгори откако Русија во март, употреби дел од таквото свое вооружување во Украина.
