По потврдата од Врховниот суд на САД, дека документот кој истече во јавноста, а според кој ќе биде укината пресудата во случајот „Рој против Вејд“ од 1973 година со која абортусот беше озаконет, во Америка почна бран негодувања од левичарите и либералите, но и нервоза во највисоките редови на Демократите.
Американскиот претседател Џо Бајден, за кого враќањето на незаконскиот статус на абортусот е флагрантно кршење на правата загарантирани со Уставот, рече дека нема да ги изневери своите гласачи кои го поддржале токму поради неговото залагање за абортусот.
Бајден најави алтернативни фондови за т.н. „вонредна контрацепција“ која ја пропагира како правна замена за абортусот и со која се очекува да го амортизира незадоволството.
На одлуката на Врховниот Суд која допрва треба да биде официјализирана ѝ претходеа бран поединечно законски решенија потпишани од гувернерите на неколку сојузни држави во САД во кои мнозинство имаат Републиканците.
