Компанијата Мета која управува со Фејсбук и Инстаграм разгледува можност од мај да воведе сопствена виртуелна криптовалута, наречена ЦукБакс според името на сопственикот Марк Цукенберг. Всушност не се работи за класични крипто-пари туку за интерни вредносни ваучери- поени, кои како in-app токени би биле целосно контролирани од компанијата, слично на токените од апликациите за игри.
Се разгледува и опцијата за користење на токените како можност за наградување на корисниците на ФБ и Инстаграм, за популарност или активност.
Токените за почеток би имале одредена номинална вредност, но би се користеле исклучиво внатре во апликациите, како награда за бесплатно рекламирање, пристап до виртуелни поволности, игри, награди, но и за купување на ограничен избор на производи од компанијата како опција која ќе се тестира во експерименталната фаза.
