Португалската министерка за здравство, Марта Темидо, и покрај својата популарност поради успешното справување со ковид кризата, реши да поднесе оставка, преземајќи лична морална одговорност во случај во кој самата таа и нејзината функција нема директна врска.
Се работи за смрт на 34 годишна бремена туристка од Индија, која додека била пренесувана од една во друга болница во Лисабон, починала од срцев удар.
Темидо соопшти дека чувствува морална одговорност, поради лошата организација на неонаталните болници и одделенија, која довела до не примање, односно пренесување на бремената туристка од една болница во друга.
Згора на сѐ, нејзиното бебе е извадено успешно со царски рез, преживеало и се чувствува добро.
Проблемот со недостиг од медицински персонал во неонаталните одделенија во Португалија не е нов, а тоа всушност и била причината зошто родилката е префрлана од една болница во друга.
Како и да е, ваков пример на поднесување оставка на успешен и популарен министер само поради еден случај, во земји како Македонија се смета за редок (ако не и невозможен) куриозитет во делот на занимливости.
