Францускиот национален коментатор на телевизискиот пренос од Евровизија, вели дека минатата година многу француски политичари, вклучувајќи го и претседателот Емануел Макрон се обиделе да ја спречат победата на италијанската група Манескин.
Коментаторот, францускиот водител Стефан Берн за БиБиСи вели дека, за време на гласањето добил лична СМС порака од Макрон, дека пејачот на Манескин, Давид Демијано пред сите шмркал кокаин и поради тоа требало да биде дисквалификуван.
Ваквата заинтересираност на Францускиот државен врв за Евровизија била поради очекувањата дека лани (2021) сигурно ќе победи Франција, а не Италија.
Водителот Берн добил многу пораки од политичари со сугестии дека француската делегација треба да се жали за јавното однесување на италијанскиот претставник, меѓу кои и од францускиот претседател и од министерот за европски прашања.
– Што да правиме? Направи нешто – бил заедничкиот контекст на пораките.
И малку фалело да се крене врева и да се поднесе приговор, но претседателката на ЕБУ, Делфин Ерно која исто така била од Франција, пресекла:
– Треба да победиме затоа што сме заслужиле и што сме најдобри, а не затоа што ќе ги дисквалификуваме најдобрите; и така сѐ се смирило.
Бидејќи сепак цела Европа ја виде снимката на која се чини дека Демијано Давод шмрка кокаин за време на гласањето во Ротердам, па пејачот се тестираше и сепак излезе со негативен тест на дрога. Коментаторот Берн вели дека Емануел Макрон редовно гледа Евровизија и е страстен навивач за Франција.
Се смета дека евровизискиот пренос заинтересирано го следат 5 милиони французи.
