Во словенечкото пристаниште Копер треба да пристигне пратка од над 4 и пол илјади автомобили од фабриката на Тесла во кинескиот град Шангај.
И покрај прекините во производството поради строгите анти-ковид мерки и целосни блокади во Шангај, фабриката успеа да издејствува да продолжи со работа на 19 април, и во такви ограничени и тешки услови, да произведува и извезува возила наменети за европскиот пазар.
По првата пратка се очекува веднаш да пристигне втора од исто така над 4000 автомобили, во рамките на амбициозната цел на Тесла, само во тековната 2022 да произведе и да извезе над 300.000 возила со кои ќе ги преплави пазарите во Европа.
