Русија најави дека ќе возврати соодветно на западната конфискација на руски пари и имоти.
Откако американскиот претседател Џо Бајден најави дека конфискуваните имоти и пари на руските ологарси во САД ќе бидат пренаменети за помош на Украина, претседателот на руската Дума, Вјачеслав Володин, на социјалната мрежа Телеграм, напиша дека Русија може соодветно да ги искористи конфискуваните западно имоти за сопствен развој.
Володин чекорите на некои западни земји за конфискација на руски имот, меѓу кои ги нагласи Америка, Литванија и Летонија, ги нарече „перфидна кражба“.
Претходно и рускиот претседател Владимир Путин, зборувајќи за конфискацијата како дел од меѓународните санкции на т.н. „ непријателски земји“ рече дека Западот, ја турка Русија, својата економија целосно да ја насочи кон Кина, со што сам си прави штета во одржувањето на геополитичкиот и економски баланс, особено во Европа.
