Украинските власти објавија снимки од прорускиот мултимилионер Виктор Медвешчук со лисици на рацете, со соопштение дека никој нема да побегне од правдата и да се извлече со предавство. Портпаролот на Кремљ не сака да го коментира настанот, со образложение дека треба добро да се провери, после сите лаги кои досега дошле од Киев.
Медвешчук кој ја предводеше и поддржуваше проруската опозиција во Украина, заедно со медиумскиот магнат Тарас Козак кој поседува 3 телевизии во Украина, сега се обвинуваат за предавство, а мандатите на 11 нивни проруски пратеници во Парламентот се суспендирани.
Медвешчук кој поседува речиси половина од акциите на рафинеријата за нафта во Новошахтинск, беше држен во домашен притвор, но по почетокот на воените дејствија во февруари успеал да избега.
Тој често може да се види на заеднички фотографии со Владимир Путин кој ѝ е исто така кум на неговата ќерка. Украинскиот претседател Володимир Зеленски рече дека заробените предавници кои ѝ де важни на Русија, ќе бидат понудени за размена за заробени украински војници.
